परंडा (उस्मानाबाद) : कोरोना विषाणूचा संसर्ग रोखण्यासाठी नागरीक काळजी घेऊ लागले आहेत. याचाच एक भाग म्हणून अनेकांनी हातातील घडयाळ, अंगठया, ब्रासलेट काढून ठेवले आहेत. त्यामूळे कोरोनाने उतरवले अंगावरील दागीने..! असे चित्र दिसू लागले आहे.
जीवघेण्या कोरोना महामारीने काळजाचा ठोका चुकविला आहे. कोरोना काळात संसर्ग होणार नाही याची काळजी प्रत्येक जण घेवू लागला आहे. सॅनिटायझर, मास्क, सुरक्षित अंतर याबाबत नागरिकांमध्ये जागृकता निर्माण झाली आहे.
समाजमाध्यमातून मिळणाऱ्या सुचनाची चोख अंमलबजावणी केली जात आहे. याबरोबर कोरोना बचावासाठी सांगितलेला काढा घरोघर तयार होऊ लागला आहे. घरोघरी काढा अन प्रतिकारशक्ती वाढविणाऱ्या रेसीपी सुरू झाल्या आहे. संसर्ग होऊ नये यासाठी बाहेर दुकानात दवाखान्यात गेल्यानंतर कोणत्याही वस्तूला हात लागला जाणार नाही. याची काळजी प्रत्येक जण घेत आहे.
याबरोबरच दुसऱ्याचा मोबाईल, चावी, चष्मा घडयाळ एकमेकांना देण्याचे टाळले जात आहे. गप्पा मारताना टाळी देखील दिली जात नसल्याचे चित्र आहे. दुसऱ्याचा पेन वापरणे जेवणाचा डबा, एकाच बाटलीतील पाणी देखील काळजी म्हणून वापरले जात नाही. या कोरोनाने सोने चांदी दागीण्याचे शौकीनांना चांगलीच धास्ती निर्माण केली आहे.
अनेकांना सोन्याची गळ्यात साखळी, सोन्याच्या अंगठ्या ब्रासलेट, महागडे घडयाळ वापरण्याची हौस असते. मात्र सतत साबनाने हात धुणे, सॅनिटायझरचा वापर केल्याने दागिण्याच्या दर्जावर परिणाम होईल. अशी भिती देखील अनेकांना वाटत आहे. सोन्याच्या दागीण्याचा दर्जा व संसर्गापासुन बचावासाठी कोरोनाकाळात अनेकांनी सोन्याचे दागीने काढून ठेवल्याचे चित्र पहावयास मिळत आहे. कोरोनाने अनेकांच्या अंगावरील दागीने मात्र या निमित्ताने उतरविले आहेत.
हातात कमीत कमी दागीने असावे
अनेक ठिकाणी वस्तुला स्पर्श होऊ शकतो. तेथील विषाणू दागीने घडयाळावर येऊ शकतात. साबनाने, सॅनिटयझरने हात धुताना दागीने धुतले जातील असे नाही. त्यामुळे कमीत कमीत दागीने वापरावेत. कोरोनाकाळात साधी राहणी अंगी कारावी
डॉ. आनंद मोरे, परंडा
( संपादन : प्रताप अवचार )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.